Бош вазир ўринбосари, туризм ва спорт вазири Азиз Абдуҳакимов Республика ихтисослаштирилган онкология ва радиология илмий-амалий тиббиёт марказида даволанаётган бемор болалар билан учрашди.

Учрашув давомида бош вазир ўринбосари 9 ёшли Зафаржон билан шахмат ўйнаб, «мот» бўлган. Бу ҳақида Замон информацион дастурида хабар берилди.

«Министр билан шахмат ўйнаб кўрасанми, дейишди. Мен рози бўлдим, мот қилиб қўйдим», дейди Зафаржон.

Шунингдек, вазир болаларга китоблар тўплами ва шахмат доскаларини тақдим этган.