Космонавтлар майдонини ободонлаштириш лойиҳаси илмий-эксперт кенгашида маъқулланди. Бу ҳақида Маданий мерос агентлиги ахборот хизмати хабар берди.

Қайд этилишича, Маданий мерос агентлигида ўтказилган илмий-эксперт кенгашининг навбатдаги мажлисида Космонавтлар майдонини ободонлаштириш лойиҳаси муҳокама қилиниб хулоса тақдим этилган. Унга кўра, кенгаш лойиҳага объектнинг тарихий ва бадиий қийматига таъсир кўрсатмаган ҳолда таъмирлашга рухсат берган.

Шунингдек, «MIMAR GROUP» МЧЖ томонидан тақдим қилинган лойиҳада аҳолига қулайлик яратиш мақсадида пиёда ва велоспорт йўлаклари, ўйин майдончалари ҳам барпо этилади. Бунда кўкаламзорлаштириш ва дарахтларни асраб-авайлаш, яшил ҳудудни кенгайтириш ҳам кўзда тутилади.