Марҳамат туманидаги ўқитувчиларнинг ота-оналар олдида узр сўрашга мажбур қилингани бўйича Марҳамат туманидаги 72-ИДУМ директори ва туман ХТБ мудирига чора кўрилган. Бу ҳақида вазирлик ахборот хизмати хабар берди.

Қайд этилишича, вазирнинг ўқитувчилар билан ўтказган бевосита суҳбат натижаларига кўра, мактаб директори ҳамда Марҳамат тумани халқ таълими бўлими мудири лавозимидан озод этилган.

Аввалроқ, ушбу ҳолат сабаб туман ҳокимининг ёшлар масалалари бўйича ўринбосари лавозимидан озод қилиб, туман ҳокимига «Ҳайфсан» интизомий жазоси белгилангани хабар қилинганди.