АҚШнинг «General Motors» компанияси «Спарк» русумли автомобилларни ишлаб чиқаришни тўхтатади. Бу ҳақида компания матбуот хизмати хабар берди.

Маълум қилинишича, 2021 йилда ушбу моделнинг сотуви кескин пасайиб кетган ва шу сабабли ишлаб чиқаришни тўхтатишга қарор қилинган. Модель 2022 йилдан бошлаб ишлаб чиқарилмайди.

Шунингдек, «General Motors» «Спарк» ўрнига «Tракс» русумли автомобиль ишлаб чиқаради. Аммо, Ўзбекистонда «Спарк» ишлаб чиқаришни тўхтатиб қўйиши ҳозирча номаълум, чунки бу модель мамлакатда энг оммабоп ва бюджетли моделлардан бири ҳисобланади. Катта эҳтимол билан «UzAuto Motors» АЖ «General Motors»дан бир неча йил ўтиб «Спарк» ишлаб чиқаришдан воз кечиши мумкин.