Айни вақтда Адлия вазири Русланбек Давлетов жамоатчиликка анъанавий йиллик ҳисобот бермоқда. Ҳисоботда вазир раҳбар ва ижрочиларнинг нисбати, халқаро стандарт ва Ўзбекистондаги ҳолат бўйича гапирди.

«Бошлиқлар ва ижрочиларнинг бир-бирига нисбати бор. Бу ҳам илмий асосланган. Гарварднинг ишлаб чиққан стандартлари бор: бирга етти бўлиши керак. Яъни битта раҳбарга еттита ходим бўлиши керак, ундан ортиғини бошқара олмайди, чунки имконияти етмайди, бу кўрсаткич оптимал белгиланган. 

 

Бизда биласизларми қандай? Бизга биттага учта ҳам тўғри келмаяпти. Битта ижрочи (ходим – таҳр.)га иккита раҳбар тўғри келяпти. Ижрочилар кам, раҳбарлар кўп», дейди Русланбек Давлетов.