Адлия вазири Р. Давлетов Олий Мажлис Сенати мажлисида қатор ҳужжатларни бекор қилганини маълум қилди.

«Бу борада маълум ишларни қиляпмиз. Охирги 3 йил ичида ўз аҳамиятини йўқотган 4000 та ҳужжатни бекор қилдик. Бунинг ичида 900 та Президент фармонлари ва қарорлари, 1800 та Ҳукумат қарорлари ва 500 дан ортиқ идоравий ҳужжатлар бор.

2020 йил 1 июлдан 2021 йил 1 январгача идоравий ҳужжатларни қабул қилишга мороторий эълон қилинди. Натижада 2019 йилдан 2022 йилнинг 1 январига қадар амалдаги яхлит идоравий ҳужжатлар сони 1500 тадан 1164 тага ёки 22.4 % га қисқартирилди", деган у.