Пекинда ХХIV қишки Олимпия ўйинларининг тантанали очилиш маросими бошланди. Президент Шавкат Мирзиёев маросимни бевосита стадионнинг ўзидан томоша қилмоқда.

Байрам машҳур «Қуш уяси» деб номланган Миллий стадионда бўлиб ўтмоқда. Бу мусобақа тарихидаги энг ёрқин маросим бўлиши ваъда қилинмоқда. Кўргазмани ташкил этишда 3 мингга яқин киши қатнашаётган бўлса, уларнинг 95 фоизини ўсмирлар ташкил этади.

Олимпиядада делегациямиз байроқдори сифатида тоғ чанғичимиз Комилжон Тўхтаев иштирок этмоқда.