Қашқадарё вилоятидан чиқарилмаётган чигит муаммоси Монополияга қарши курашиш қўмитаси томонидан ҳал этилди. Бу ҳақида қўмита ахборот хизмати хабар берди.

Қайд этилишича, қўмита томонидан масалага ойдинлик киритиш мақсадида Қашқадарё вилояти ҳокимияти ва Қашқадарё вилояти ИИБга сўровнома юборилган. Қашқадарё вилояти масъуллари ва қўмита ходимлари томонидан бир неча маротаба онлайн учрашувлар ўтказилиб, суриштирув ишлари олиб борилган.

Қўмитанинг кўрсатма қарорига биноан ҳозирги кунда Қашқадарё вилоятининг тегишли корхоналари томонидан биржа савдоларига қўйилган чигит маҳсулотлари тадбиркорлар томонидан Қашқадарё вилоятидан олиб чиқиб кетилган.