1 май куни Тошкентда фавворалар мавсуми бошланади. Бу ҳақда Тошкент шаҳар ҳокимлиги хабар берди.

Ушбу санада бир вақтнинг ўзида бир нечта манзилда сув, ёруғлик, мусиқа ва жонли ижролар намойиш этилади. Соат 18:00 дан 21:00 гача концертлар, театр томошалари ва ҳақиқий шаҳар байрами муҳити ҳукм суради.

Асосий манзиллар:

• Алишер Навоий номидаги Катта академик драма театри
• Ҳамид Олимжон майдони
• Миробод бозори (фаввора олдидаги майдонча)

«Бу куни фавворалар шунчаки ободонлаштириш элементи эмас, балки бутун шаҳарни ўз атрофида тўплайдиган диққат марказидир. Байрам тадбирлари туманларда ҳам ташкил этилади — Тошкент бир вақтнинг ўзида бир нечта нуқтада жаранглайди ва нур сочади», дейилади хабарда.