Коронавирус ўпка тўқималарига кириб бориш қобилиятини йўқотди. Бу ҳақда «Роспотребнадзор» раҳбари Анна Попова маълум қилди.

Унинг сўзларига кўра, «омикрон» юқори нафас йўлларига таъсир қилади, аммо касалликнинг оғир кечишига сабаб бўлмайди.

Поповага кўра, COVID келгусида ўпка тўқималарига таъсир қилиш қобилиятини тикламайди, деб кафолат бериб бўлмайди. Шунингдек, у COVID-19 доимо инсон танасига мослашишга ҳаракат қилишини қайд этган.

«Бугунги кунда у нафақат юқори нафас йўлларига таъсир қилмоқда, балки трахеитни келтириб чиқаради, болаларда бронхит кузатилиши ҳам мумкин», деди «Роспотребнадзор» раҳбари.