Онаси айиқ қафасига ташлаб юборган қизча ва унинг акасига Тошкент ҳайвонот боғига бир умр бепул кириш имконияти берилди. Бу ҳақида Тошкент ҳайвонот боғи матбуот хизмати хабар берди.

Таъкидланишича, ҳозирда 3 яшар қизчанинг аҳволи яхши. У шифохонада интенсив терапия хонасига ўтказилган.

«Айни дамда қизалоқ интенсив терапия хонасида ва унинг ҳолати турғун деб баҳоланмоқда. Динамикада назорат кўриги ўтказилди. Қизалоқ келажакда ушбу ҳодиса асоратларидан азият чекмаслиги учун биз бор имкониятларни ишга соляпмиз», – дейди шифокор ва тиббиёт фанлари номзоди Собир Насимов.