Тошкент вилояти Бўстонлиқ тумани Билдирсой дам олиш маскани яқинида ўлик питон топилди. Бу ҳақда "ekologuz" телеграм канали хабар бермоқда.

Одатда, Ўзбекистон ҳудудида питонларни хусусий ҳайвонот боғлари, кўчма циркларда ва ҳайвонот боғида учратиш мумкин. Ҳозирча илоннинг бу ерга қандай келиб қолгани, нима сабабдан ўлгани маълум эмас.

“Биз мазкур ҳолат юзасидан Тошкент вилоят Экология ва атроф-муҳитни муҳофаза қилиш бошқармасидан расмий муносабат билдиришларини сўраймиз”, дейилади хабарда.