Британиянинг The Times газетаси Ўзбекистонни май ойида ташриф буюриш учун энг яхши давлатлар рўйхатига киритди.

Қайд этилишича, илиқ ва қуруқ об-ҳаво май ойини иссиқ ёздан фарқли равишда мамлакатга ташриф буюриш учун энг қулай вақт ҳисобланади.

Бу пайтга келиб пойтахтнинг Чорсу бозори баҳорий маҳсулотлар – кўк ўрик (довча), олма, қулупнайга тўлади.

The Times шунингдек, тарихий муҳит ва Шохи Зинда мажмуасига эга Самарқанд ҳамда Арк қалъаси жойлашган Бухорони зиёрат қилишни тавсия қилди.

Рўйхатда шунингдек, Греция, Жанубий Корея, Перу, Туркия, Япония каби мамлакатлар бор.