Бу ҳақида «Oʼzbekiston 24» телеканалида Президент Шавкат Мирзиёевнинг ҳафталик фаолиятига бағишланган «Менимча» дастурида маълум қилинди.

Қайд этилишича, Президент Ўзбекистоннинг 2022-2026 йилларга мўлжалланган тараққиёт стратегиясининг муҳокамасига бағишланган видеоселекторда янги ташкил этилаётган ихтисослашган мактаблар масаласига тўхталган. 

«Мана Президент мактабларига шунча бола кирди, бир ўринга юзта бўлди. Мен айтаман: киролмаган 99таси қани? У ҳам Ўзбекистон фуқароси, ота-онаси умид билан тарбия қилдику. Шунинг учун, ўйлаб-ўйлаб ихтисослашган мактаблар қилиб уларни ўқитяпмиз. Бу ҳам бир янги Ўзбекистоннинг янги тизими», деган давлат раҳбари.