Оғир атлетика бўйича Токио-2020 Олимпия ўйинлари ва жаҳон чемпиони Акбар Жўраев «Йил талабаси- 2021» кўрик – танловининг «Йилнинг энг яхши спортчи-талабаси» номинацияси ғолиби бўлди. Бу ҳақида Ўзбекистон давлат жисмоний тарбия ва спорт университети матбуот хизмати хабар берди.

Олий ва ўрта махсус таълим вазирлиги томонидан ўтказилган «Йил талабаси- 2021» кўрик – танловининг «Йилнинг энг яхши спортчи-талабаси» номинациясида Ўзбекистон давлат жисмоний тарбия ва спорт университетининг Кўпкураш факультети «Оғир атлетика» таълим йўналиши 3-босқич талабаси Акбар Жўраев 1-ўринга муносиб топилган.