Бугундан бошлаб автомобилларга газ тўлдириш компрессор станциялари фаолиятига вақтинчалик чекловлар киритилади. Бу ҳақида АОКАда ўтказилган брифингда энергетика вазири матбуот котиби Элмира Бекмуродова маълум қилди.

Таъкидланишича, бугун, соат 09:30 ҳолатига кўра, республикамизда электр энергияси таъминоти 70% га тикланган.

Электр тизимидаги носозликлар сабабли газ ишлаб чиқариш ҳажми камайди.

Ишлаб чиқарилаётган табиий газ тўлиқ ҳажмда ИЭС, ижтимоий соҳа объектлари ва аҳолига йўналтирилади.