2022 йил 1 февралдан бошлаб таълим тили рус тили бўлмаган умумтаълим муассасалар (синфлар)да фаолият юритаётган камида С1 ва ундан юқори даражадаги миллий ёки унга тенглаштирилган мос даражадаги халқаро тан олинган сертификатга эга рус тили фани ўқитувчиларига 50% миқдорида устама тўланади. Бу ҳақида Халқ таълими вазирлиги ахборот хизмати хабар бермоқда.

Маълум қилинишича, мазкур сертификатлар учун устама тўловларини олинган кундан бошлаб, фақатгина икки йил давомида амалга ошириш белгиланган.

Ушбу устамаларнинг ўз вақтида тўлаб борилишини таъминлаш бўйича ҳудудий халқ таълими бўлинмаларига вазирликнинг кўрсатмаси берилди.