Истеъдодли ижодкорларни қўллаб-қувватлаш ҳамда уларга муносиб шароит яратиш мақсадида Китобхонлик маданиятини ривожлантириш жамғармаси томонидан танлов эълон қилинди. Бу ҳақда жамғарма матбуот хизмати хабар берди.

Танловда шоирлар, ёзувчилар, драматурглар ва ссенаристлар иштирок этиши мумкин.

Сараланган иштирокчиларга 1 йилгача ҳар ой базавий ҳисоблаш миқдорининг 50 бараваригача миқдорда молиявий рағбат ажратилади.

Аризалар 15-апрелдан 15-майга қадар онлайн тарзда ҳамда Ёшлар ишлари агентлигининг ҳудудий бошқармаларида қабул қилинади.

Танлов низоми ва ариза топшириш тартиби қуйидаги ҳавола орқали тақдим этилган.