“Ўзбекистон Республикаси халқ артисти Фаррух Зокиров ижодини кенг тарғиб қилиш ҳамда ёш авлодга муносиб етказиш тўғрисида”ги Президент қарори қабул қилинди.

Қарорга мувофиқ, Тошкент шаҳри Яшнобод туманидаги 7-сонли болалар мусиқа ва санъат мактабига Фаррух Зокиров номи берилади.

Шунингдек, мактабда “Ялла” номидаги болалар ансамбли ташкил этилади. Эстрада йўналишида ижрочилик маҳорат мактаблари “устоз-шогирд” анъаналари асосида йўлга қўйилади.

Маҳорат мактабларида фаолият юритувчи устоз-ижодкорлар давлат бюджети ҳисобидан ҳар ой рағбатлантириб борилади.

Бундан ташқари, Ёшлар ижодий лабораторияси доирасида:

– ҳудудлардан сараланган иқтидорли ўқувчилар учун махсус гуруҳлар шакллантирилади;

– улар ёзги таътил даврида бепул эстрада хонандалиги курсларида таҳсил олади;

– замонавий овоз ёзиш ва тасвирга олиш студияси ташкил этилади;

– ўқувчилар ижоди телевидение ва халқаро онлайн платформаларда намойиш этилади.