Ўзбекистон Республикаси Фанлар Академияси Ўзбек тили, адабиёти ва фольклори институти ХХ аср ўзбек адабиёти ва ҳозирги адабий жараён бўлими томонидан кеча, 19 январь куни “Хуршид Даврон ижодининг маънавий-маърифий аҳамияти” мавзусида республика илмий-назарий анжумани ўтказилди. Конференция онлайн тарзда бўлиб ўтди.

Анжуманда мамлакатимиз ва хориждаги соҳанинг етук мутахассислари, олимлар, профессор-ўқитувчилар, докторантлар, мустақил тадқиқотчилар, магистрантлар, иқтидорли талабалар мақола ва тезислари билан иштирок этди.

Ўзбекистон халқ шоири Хуршид Даврон ижодида жанр ва образлар ранг-баранглиги, адиб ижодининг юртимиз ва хорижда ўрганилиши, таржималари, шоир ижодида тарих мавзуси, драматургиясининг ўзига хос хусусиятлари ҳақида маърузалар тингланди.

Конференцияга тақдим этилган материалларни электрон тўплам шаклида нашр этиш кўзда тутилган.