Ўзбекистонда хизмат кўрсатган маданият ходими, Ўзбекистонда хизмат кўрсатган ёшлар мураббийси, адиб, шоир, публицист, таржимон Қамчибек Кенжа 80 ёшида вафот этди.

Қамчибек Кенжа 1946 йил 15 августда Андижон вилоятининг Избоскан туманидаги Гуркуров қишлоғида туғилган. ТошДУнинг филология факультетини тугатган (1969). Дастлабки шеърий тўплами — “Соғинч”, “Яшил барг”, “Кўнгил кўчалари”, “Қизил гуллар”, “Бобурийлардан бири”, “Сайланма” каби насрий ва шеърий асарлар муаллифи. А. С. Пушкин, Х. Хейне, Ш. Петефи, В. Брюсов, М. Светлов каби шоирларнинг асарларини ўзбек тилига таржима қилган.

У сермазмун, заҳматли, ибратли онгли ҳаётини адабиёт равнақи, Ватан тараққиёти йўлидаги тинимсиз меҳнатга сарф қилган.