Франция шимоли, Па-Де-Кале департаментидаги Нё-ле-Мин коммунаси, Бетюн ва Ланс шаҳарлари ўртасидаги темирйўлда TGV тезюрар поезди ва ҳарбий юк машинаси аварияга учради.

Оқибатда поезд рельсдан чиқиб кетиб, машинисти ҳалок бўлган, 27 киши жароҳатланган. Икки нафар жабрланувчининг аҳволи оғир, яна 14 нафариники жиддий ҳолатда, деб ёзади Евроньюс нашри Франция Транспорт вазири Филипп Табарога таяниб.

Поездда умумий йўловчилар сони 243 нафарни ташкил этган. Қайд этилишича, вазир воқеа жойига собиқ мамлакат бош вазири Жан Кастекс ва SNCF директори билан етиб борган.