Бугун, 7 апрель куни Сенатнинг 14 ялпи мажлисида мамлакатда, хусусан, пойтахт Тошкент шаҳрида риэлторлик муаммоларини тартибга солиш мақсадида “Риэлторлик фаолияти тўғрисида”ги қонун кўриб чиқилди.

Унга кўра:

- Риэлторлар фақат шартнома асосида хизмат кўрсатади;

- Риэлтор мижозга кўрсатган уйини ўз номига расмийлаштира олмайди;

- Риэлторларнинг малакаси текширилади ва улар устидан назорат кучайтирилади;

- Хизматлар босқичма-босқич электрон тизимлар орқали, очиқ ва шаффоф тарзда амалга оширилади. Бундан ташқари, ноқонуний пул айланиши ва фирибгарликларнинг олдини олиш учун алоҳида назорат механизмлари жорий этилади.

Мазкур қонун бугунги кунда ижара бозорида энг кўп зарар кўраётганлар оддий фуқароларни ҳимоя қилиш, бозорда тартиб ўрнатиш ва фирибгарликларни камайтиришга хизмат қилади.

Муҳокама якунида мазкур қонун маъқулланди.