Ижтимоий тармоқларда машина ойнасидан танасини чиқариб кетаётган қизларнинг видеоси тарқалган. Йўл ҳаракати хавфсизлиги хизмати хабарига кўра, ҳозирда улар топилиб, жазога тортилган.

«Қўшиқ қўйгандик машинада. Ўртоғим олди ойнадан чиқди. Мен орқада ўтиргандим. Менга гап тегиздирди, сен чиқолмайсан деб. Кейин мен ҳам чиқдим. Шу билан қайтиб тушдик. Қилган ишимдан пушаймонман», — деган қизлардан бири.

Мазкур қизларга нисбатан Маъмурий жавобгарлик тўғрисидаги кодекснинг 138-моддаси (пиёдалар ва йўл ҳаракати бошқа иштирокчиларининг йўл ҳаракати қоидаларини бузиши) 4-қисми тартибида чора кўрилган.