Президент Администрацияси раҳбари Саида Мирзиёева АҚШ Президентининг Жанубий ва Марказий Осиё бўйича махсус вакили, элчи Сержио Гор билан учрашди.

Томонлар АҚШнинг 45- ва 47-президенти Дональд Трампга тегишли хусусий мулк Мар-а-Лагода кўришган.

«Самимий меҳмондўстлик ва илиқ қабул учун чин дилдан миннатдорлик билдираман. Бўлиб ўтган мазмунли ва конструктив мулоқотни юксак қадрлайман ҳамда яқин кунларда Вашингтонда самарали учрашувлар ўтказилишига умид қиламан», деб ёзди Мирзиёева ўзининг Телеграм саҳифасида.

Учрашувда АҚШ президенти Дональд Трампнинг кенжа қизи Тифани Трамп ва унинг турмуш ўртоғи Майкл Булос ҳам иштирок этди.