Ўзбекистонда меҳнат фаолияти ёки педагогик фаолият билан шуғулланаётганлар учун асосий иш ҳақи ва лавозими сақланган ҳолда ижодий таътиллар ажратилади. 

Мазкур тартиб Вазирлар Маҳкамаси томонидан белгиланган бўлиб, бунда — PhD диссертацияси ёки дарслик/ўқув қўлланма муаллифларига 3 ойгача, DSc диссертацияси устида иш олиб бораётганларга 6 ойгача ижодий таътил берилади.

Ҳужжатга кўра, муаллифлар жамоаси аъзоларидан бири ёзма ариза асосида таътил олиши, шунингдек, таътил жамоа аъзолари ўртасида тақсимланиши мумкин.

Илмий даража олишга даъвогарларга, шу билан бирга, дарсликларнинг ёки ўқув-услубий қўлланмаларининг муаллифларига навбатдаги йиллик меҳнат таътиллари улар ижодий таътиллардан фойдаланганлигидан қатъи назар берилади.