Бойсун туманидаги “Ёшлар боғи” номи Ўзбекистон халқ ёзувчиси хотирасига “Шукур Холмирзаев” истироҳат боғи деб ўзгартирилди. Бу ҳақда Халқ депутатлари Бойсун туман кенгаши қарорида келтирилган.

Ҳужжатга кўра, истироҳат боғининг янги номи ёзилган кўрсаткич ва белгилар, пешлавҳалар замонавий дизайн асосида босқичма-босқич ўрнатилади.

Қайд этилишича, қарор ижросини назорат қилиш халқ депутатлари туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси ҳамда Коррупцияга қарши курашиш ва хавфсизлик масалалари бўйича доимий комиссияси зиммасига юклатилган.