Қирғизистон Ички ишлар вазирлиги раҳбари Улан Ниёзбеков жамоат жойида тамаки чеккани учун жаримага тортилди. Kaktus.media нашрининг ушбу маълумотини Қирғизистон ИИВ тасдиқлаган.

Қайд этилишича, шу кунларда ижтимоий тармоқларда вазир Улан Ниёзбеков жамоат жойида тамаки чекаётгани акс этган видео тарқалган. Видеода “Қонун барча учун эгаллаб турган лавозимидан қатъи назар тенг бўлиши керак!” деб ёзилган.

23 март куни маълум бўлишича, вазирга 3 минг сомлик жарима протоколи тузилган. Бу ўзбек сўмида ўртача 417 минг сўмни ташкил этади.