Иқтисодиёт ва молия вазирлиги «Очиқ бюджет» порталида «Ташаббусли бюджет» жараёнининг 2026 йилги 1-мавсуми ғолиб лойиҳалари эълон қилди.

Хабарга кўра, жараёнларда мамлакат бўйлаб жами 10 млн 284 мингта овоз берилган. Овоз бериш жараёни якунларига кўра, жами 1 996 та (1 980 та анъанавий ҳамда 16 та шериклик) лойиҳа ғолиб деб топилган.

«Жараёнларда иштирок этган барча фуқароларга миннатдорлик билдирган ҳолда «Ташаббусли бюджет» лойиҳасининг кейинги мавсумларида ҳам фаол бўлишингизни сўраб қоламиз», дейилади хабарда.

Ғолиб бўлган лойиҳалар билан шу ерда танишишингиз мумкин.