Тошкент вилоятининг Қибрай туманидаги “Дўрмон” ижод уйида Абдулла Орипов уй-музейининг очилиш маросими бўлиб ўтди.

Ушбу ҳовлида Абдулла Орипов 1996-2016 йилларда яшаб, ижод қилган. Жорий йил шоир таваллудига 85 йил тўлди.

Хабар берилишича, тадбирда давлат ва жамоат арбоблари, шоир ва ёзувчилар, хусусан, Абдулла Ориповнинг шогирдлари сўзга чиқди, халқимизнинг янги маданият даргоҳи билан самимий табриклади.

Маросимда Ўзбекистон Республикаси Президенти маслаҳатчиси Русланбек Давлетов ҳамда Ўзбекистон Республикаси Бош вазири ўринбосари – Оила ва хотин-қизлар қўмитаси раиси Зулайҳо Маҳкамова иштирок этди.