2026 йилдан бошлаб ҳар бир депутат ўз ҳудудида «Ташаббусли буджет»да ғолиб бўлмаган лойиҳалар орасидан йилига 2 та лойиҳани танлайди. Бу лойиҳалар эса республика буджетидан молиялаштирилади.

Бунинг учун ҳар бир депутатга йилига БҲМнинг 8 минг бараваригача (ҳозирда 3 млрд 296 млн сўмгача) маблағ ажратилади. 

Бундан ташқари, жорий йилнинг 1 февралидан «Ташаббусли буджет»да аҳоли ва давлат ҳамкорлиги асосида молиялаштириш тизими жорий этилади.

Бунда агар ташаббускор фуқаролар лойиҳа қийматининг 50 фоизини ўзлари ихтиёрий молиялаштирса, лойиҳа автоматик равишда ғолиб деб топилади ва қолган 50 фоизи давлат буджетидан қопланади.