Тошкентдаги Замонавий санъат маркази TIME журналининг 2026-йилги “Дунёнинг энг улуғвор жойлари” рўйхатига киритилди. Бу ҳақда марказ Telegram саҳифасида эълон қилинди.

Қайд этилишича, ушбу рўйхатни тузишда TIME ўзининг халқаро мухбирлар ва муаллифлар тармоғидан, шунингдек, очиқ ариза бериш жараёни орқали номинацияларни тўплади. Тўпламга меҳмонхоналар, круизлар, ресторанлар, диққатга сазовор жойлар, музейлар, боғлар ва бошқа масканлар киради – уларнинг ҳар бири янги ва мафтункор таассуротлар тақдим этгани учун танланади.

Шу йили очилиши кутилаётган Замонавий санъат маркази Ўзбекистоннинг ҳозирги замон маданияти учун ёрқин маконга айланиши кутилмоқда.