11 март куни «Маърифат» тарғиботчилар жамияти ва Ўзбекистон журналистика ва оммавий коммуникациялар университети ҳамкорлигида талабалар иштирокида «Янги нигоҳ Ёш журналистлар ва блогерлар клуби»нинг илк учрашуви бўлиб ўтди.

Учрашувда «Маърифат» тарғиботчилар жамияти раиси Бахтиёр Хусанов ҳамда филология фанлари доктори, профессор, «Маърифат» тарғиботчилар жамияти аъзоси Беруний Алимов иштирок этди.

Лойиҳа доирасида Ўзбекистон мустақиллигининг шонли 35 йиллиги арафасида «Янги Ўзбекистон манзиллари» мавзусида туркум медиа контентлар тайёрлаш режалаштирилган. Шу жумладан, «Амир Темур изидан», «Зиёли сўзи», «Муносабат», «Бир ислоҳот – бир натижа», «Фикр билан ҳимоялан», «Устозга эҳтиром», «Тавсия этамиз», «Ўзбек меҳри», «Оила қадри», «Бола тарбиясида энг яхши амаллар», «Миллий ифтиҳор», «Бир аёл – бир ғоя» лойиҳалари доирасида контентлар тайёрланади.