Ўзбекистон ҳудудидан БАА ва Саудия Арабистонига икки томонлама йўловчи ташишни ташкил этишга 10-мартдан бошлаб рухсат берилди. Бу ҳақда Ўзбекистонда фаолият юритувчи миллий ва хорижий авиакомпанияларга юборилган хатда хабар берилди.

Таъкидланишича, Саудия Арабистонига амалга оширилаётган парвозларда, умра мавсуми ниҳоясига етаётгани ва “Ҳаж-2026” мавсумидан олдин барча “Умра” зиёратчилари Саудия Арабистонидан чиқиб кетиши шартлиги инобатга олиниши лозим.

Парвозларни ташкил этишда парвозлар хавфсизлиги талаблари, халқаро ҳаво ташувлари бўйича амалдаги қоидалар, шунингдек Саудия Арабистони ва БАА ваколатли органлари томонидан белгиланган талаб ва тартибларга қатъий риоя этилиши таъминланиши белгиланган.