Ўзбекистон Республикаси Туризм қўмитаси Яқин Шарқ мамлакатларига туроператор ва турагент хизматлари орқали сайёҳлик мақсадида борган Ўзбекистон фуқаролари ноқулай вазиятларда қолиб кетишини олдини олиш мақсадида махсус @tourism_murojaat_bot Telegram ботини ишга туширди.

Мазкур бот орқали мамлакатимиз фуқаролари ўзи ҳақида ёки уларнинг яқин қариндошлари томонидан маълумотларни киритган ҳолда Туризм қўмитасини хабардор қилишлари мумкин. Мазкур маълумотлар асосида мамлакатимиз фуқароларига биринчи навбатда Ўзбекистон Республикасига олиб келиш чоралари кўрилиши маълум қилинади.

Қўмита фуқароларни ушбу бот орқали мурожаат қолдиришда аниқ ва тўлиқ маълумот тақдим этишга чақирган.