Ўзбекистон Ташқи ишлар вазирлиги Яқин Шарқ минтақасида қолаётган фуқаролар мурожаатлари учун Telegram ботни ишга туширди.

Яқин Шарқ минтақасида юзага келган вазият муносабати билан Ўзбекистон Ташқи ишлар вазирлиги томонидан фуқаролар мурожаатларини тезкор қабул қилиш мақсадида махсус Telegram бот ишга туширилди.

Қайд этилишича, мазкур бот орқали минтақа давлатларида бўлиб турган фуқаролар:

• консуллик масалалари бўйича мурожаат йўллаши;

• ўз жойлашуви ва ҳолати ҳақида маълумот қолдириши;

• зарур ҳолатларда тезкор ёрдам сўраши мумкин.

•  

“Барча юртдошларимизни ушбу бот орқали мурожаат қолдиришда аниқ ва тўлиқ маълумот тақдим этишга чақирамиз. Бу дипломатик ваколатхоналаримизга фуқароларимизга тезкор ёрдам кўрсатиш имконини беради”, — дейилади хабарда.