Тошкентда 5 март куни «Мўътабар аёл» кўкрак нишонига сазовор бўлган аёлларни тақдирлаш маросими бўлиб ўтди. Тадбир «Ўзбекистон» халқаро форумлар саройида ўтказилди.

Унда Президент Шавкат Мирзиёев ташаббуси асосида мамлакатимизда аёл-қизларни ардоқлаш, уларни кучли ижтимоий ҳимоя қилишнинг янги, амалий механизми яратилгани таъкидланди. Аёлларни ўйлантираётган масалалар жойларда ҳал этилишига катта эътибор қаратилди.

Ўзбекистон Республикаси Бош вазирининг ўринбосари, Оила ва хотин-қизлар қўмитаси раиси Зулайҳо Маҳкамова «Мўътабар аёл» кўкрак нишонини эгаларига топширди.

Тадбирда жорий йилда «Мўътабар аёл» кўкрак нишонига муносиб кўрилган 351 нафар хотин-қизлардан 51 нафари тақдирланди.