Меҳнат кодексининг 208-моддасига кўра, байрам куни дам олиш кунига (шанба ёки якшанба) тўғри келса, дам олиш куни кейинги иш кунига кўчирилади. 8 март Халқаро хотин-қизлар байрами бу йил якшанба кунига тўғри келаётгани туфайли, душанба куни қўшимча дам олиш куни бўлади.

Бу 2026 йилда расмий байрамлар пайтида қўшимча ишланмайдиган кунларни белгилаш тўғрисидаги Президент фармонида белгилаб қўйилган.

Унга кўра, ҳафтада 5 кун ишлайдиганлар 3 кун:

• 7 март, шанба — дам олиш куни;
• 8 март, якшанба — дам олиш куни;
• 9 март, душанба — байрамдан кўчирилган қўшимча дам олади.

Ҳафтада 6 кун ишлайдиганлар эса 2 кун:

• 8 март, якшанба — байрам куни, дам олиш куни;
• 9 март, душанба — байрамдан кўчирилган қўшимча дам олади.