13 январь куни АҚШнинг Пенсилвания штатида 11 ёшли бола ундан Nintendo Switch ўйинини олиб қўйганлиги учун ўз отасини отиб ўлдирди. Бу ҳақда The Guardian'га таяниб Интерфакс нашри хабар берди.

Ҳодиса жойига етиб борган полиция ходимлари бола онасига отасини ўлдиргани ҳақида айтаётганини эшитган. Ўша куни боланинг туғилган куни бўлган ва воқеа унинг ота-онаси уйқуга кетгач содир бўлган. Қайд этилишича, бола ота-онаси билан яхши кун ўтказган, бироқ унга ухлаш кераклиги ҳақида айтилганида у «қуюшқондан чиққан». Шундан кейин у ота-онасининг хонасидаги стол тортмасидан ундан олиб қўйилган ўйинчоқни қидираётган вақтда тўппонча яширинган сейф калитини, сейфдан бўлса пистолетни топади. Бола қуролни ўқлаб, уйқудаги отасига ўқ узганини тан олган.

Полициянинг болага «отганингдан кейинги оқибатни англаяпсанми?», деган саволига у қаттиқ жаҳл устида бўлгани ва бундай бўлишини ўйламаганини айтган. Унга умрбод қамоқ жазоси белгилангани айтилмоқда.