Навоий вилояти Навбаҳор туманида икки нафар ўқитувчига Президент совғаси сифатида Cobalt автомобили совға қилинди. Бу ҳақида Халқ таълими вазирлиги ахборот хизмати хабар бермоқда.

Маълум қилинишича, автомобиль топширилган 1-мактабнинг физика фани ўқитувчиси Соҳиба Наврўзова ҳамда 20-мактабнинг география фани ўқитувчиси Обиджон Сайдахметов ўз фаолиятлари давомида юзлаб битирувчиларни олий таълим муассасаларига ўқишга киришига ҳисса қўшган.

Хусусан, Навбаҳор туманида ўтган 2021 йил битирувчиларининг 76,6 фоизи олий таълим муассасаларига ўқишга кирган.