Ўзбекистон Миллий Олимпия қўмитаси раисининг биринчи ўринбосари Отабек Умаров Халқаро автомобиль федерацияси (FIA) Сенати таркибига кирди.

Хабарга кўра, мазкур тайинлов туфайли Умаров ташкилотнинг олий бошқарув органи фаолиятида иштирок этади.

Таъкидланишича, Ўзбекистон вакилининг ушбу нуфузли тузилма таркибига кириши Ўзбекистонда автомобиль спорти ва мобиллик соҳасининг ривожланишига хизмат қилади.

Маълумот учун, Сенат FIA Бош Ассамблеясига стратегик тавсиялар киритувчи орган ҳисобланиб, ташкилот тараққиёти йўлида муҳим бўғин вазифасини бажаради.