17 февраль куни тонгги соат 08:20 да Қорақалпоғистон Республикаси, Нукус шаҳри марказидан оқиб ўтувчи «Дўстлик» каналида бир фуқаро чўкаётгани тўғрисида, ушбу ҳудуддан ўтиб кетаётган йўловчи ФВБга хабар берган.

Хабарга асосан, ФВБ ғаввос-қутқарувчилари зудлик билан айтилган манзилга етиб бориб, фуқарони қутқарган ва дархол биринчи ёрдам кўрсатиб, ҳаётини сақлаб қолган. Шундан сўнг тез тиббий ёрдам ходимларига топширилган.

Аввалроқ Ўзбекистонда «Фидойи қутқарувчи» медали таъсис этилиши мумкинлиги ҳақида хабар берилган эди.