Ўзбекистон Республикаси Президентининг қарори билан Ҳилола Ўктамовна Умарова Мактабгача ва мактаб таълими вазирининг педагогик таълимни ривожлантириш масалалари бўйича ўринбосари – Низомий номидаги Ўзбекистон миллий педагогика университети ректори лавозимига тайинланди.

Ҳилола Умарова 2020-2022 йилларда Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги директори сифатида ишлаган, 2022 йилдан Мактабгача ва мактаб таълими вазирлигини бошқарган. 2025 йил июль ойида Президент Администрацияси раҳбари ўринбосари этиб тайинланганди.