Хоразм вилояти ҳокими Жўрабек Раҳимовга янги ўринбосар тайинланди. Дўсчанов Алишер Шерзод ўғли Хоразм вилояти ҳокимининг ўринбосари, бир вақтнинг ўзида вилоят инвестициялар, саноат ва савдо бошқармаси бошлиғи вазифасини ҳам бажаради.

Маълум қилинишича, А.Дўсчанов мазкур лавозимга тайинлангунга қадар Ўзбекистоннинг Покистон Ислом Республикасидаги элчихонасида савдо-иқтисодий масалалар бўйича маслаҳатчи сифатида фаолият олиб борган.

Янги тайинлов доирасида у Хоразм вилоятида инвестиция лойиҳаларини илгари суриш, саноат тармоқлари ва ишлаб чиқаришни ривожлантириш, ташқи ва ички савдо алоқаларини кенгайтириш каби йўналишлардаги ишларга масъул бўлиши кўзда тутилади.