Chess.com онлайн шахмат платформаси 2025-йилда халқаро турнирларда энг кўп даромад қилган шахматчилар рўйхатини эълон қилди. Эътиборли томони, рейтингда ўзбекистонлик шахмат усталари – Нодибек Абдусатторов ҳамда Жавоҳир Синдаров ҳам бор. Улар халқаро мусобақаларда юқори натижалар қайд этиб, катта миқдордаги мукофот пулларини қўлга киритди.

Жумладан, Абдусатторов йил давомида 16 та нуфузли турнирда қатнашиб, жами 361 811 АҚШ доллари миқдорида даромад қилди.

Синдаров эса 11 та халқаро мусобақада иштирок этди ва 349 955 АҚШ доллари миқдорида даромад олди.

Маълумот учун, Синдаров ўтган йили FIDE World Cup мусобақасида ғолибликни қўлга киритиб, 120 000 АҚШ доллари қийматидаги мукофот пули билан тақдирланган эди.

Мазкур кўрсаткичлар билан Абдусатторов дунёнинг энг кўп даромат қилган шахматчилари ичида 9-ўринни, Синдаров 10-ўринни банд қилди.

Халқаро турнирларда 2025-йилда энг кўп дармоат қилган гроссмейстер Магнус Карлсен бўлди. У жами бўлиб 16 та мусибақада иштирок этган ва 1 455 276 АҚШ доллари миқдорида фойда топган.