Адлия вазирлиги тақдим қилган 2025 йил якуни бўйича сарҳисобда ТОП-5 иш битиши қийин бўлган ташкилот рўйхати эълон қилинди.

Булар:

▪️ «Ҳудудгазтаъминот»;

▪️ Кадастр агентлиги;

▪️ Соғлиқни сақлаш вазирлиги;

▪️ Қурилиш ва уй-жой коммунал хўжалиги вазирлиги;

▪️ «Ҳудудий электр тармоқлари» АЖ.

Маълумотга кўра, давлат хизматларини кўрсатиш доирасида 2025 йилда жами 252 747 та қонун бузилиши кузатилган бўлиб, шундан 170 678 таси – муддат бузилиши, 50 775 таси – асоссиз рад этилиш ҳисобига тўғри келади. 16 048 тасида эса ортиқча ҳужжат талаб қилиш ҳолати кузатилган.

Юқорида келтирилган ташкилотлар эса мазкур қонун бузилишлари бўйича “етакчилик” қилган.

Масалан:

1. «Ҳудудгазтаъминот» — 43 367 та;

2. Кадастр агентлиги — 32 544 та;

3. Соғлиқни сақлаш вазирлиги — 21 321 та;

4. Қурилиш ва уй-жой коммунал хўжалиги вазирлиги — 19 176 та;

5. «Ҳудудий электр тармоқлари» АЖ — 18 014 та.

Адлия вазирлиги ўз сарҳисобида давлат хизматларини кўрсатиш доирасида қонун бузилишлари 2025 йилда 2,5 баробарга камайганини маълум қилган.