21–26 январь кунлари кутилаётган ёғингарчилик ва ҳаво ҳарорати ўзгариши сабабли Ўзбекистоннинг айрим тоғли ҳудудларида қор кўчиш хавфи юзага келиши мумкин. Бу ҳақда эзкор гидрометеорологик ахборот билан огоҳлантирилди.

Қуйидаги ҳудудлардаги фуқаролар, дам олувчилар ҳамда тоғ йўлларида ҳаракатланувчи ҳайдовчилар эҳтиёткорликка чақирилди:

• - Қашқадарё вилояти: Деҳқонобод, Китоб, Қамаши, Шаҳрисабз туманлари;
• - Сурхондарё вилояти: Бойсун, Қумқўрғон, Сариосиё, Узун туманлари;
• - Самарқанд вилояти: Нуробод, Қўшработ, Самарқанд, Ургут туманлари;
• - Жиззах вилояти: Бахмал, Зомин туманлари;
• - Тошкент вилояти: Бўстонлиқ, Паркент, Оҳангарон туманлари (Чотқол тизмаси тоғлари);
• - Наманган вилояти: Поп тумани.

Ахборот матнида шунингдек, тоғли ҳудудларда истиқомат қилувчи аҳоли, дам олувчилар ва ушбу йўналишларда ҳаракатланувчи ҳайдовчилардан эҳтиёткорлик чораларини кўриш сўралган.