Россия ТИВ матбуот котиби Мария Захарова таниқли журналист Владимир Соловёвнинг Марказий Осиё ва Арманистон бўйича айтилган фикри юзасидан баёнот берди.

«Гап журналист фикри ҳақида кетяпти. Фикр унинг хусусий телеканалида билдирилган. Иқтибосларни ўқиб чиқдим ва контекстдан олинган ибораларга таянмадим. Демак, фикр у ерда савол шаклида ифодаланган: у ерда баёнот эмас, қандайдир риторик ёки бошқача савол бор эди. Қолаверса, бу жумлалар «диван аналитиклари» томонидан провокацион тарзда талқин қилинаётгани яққол аён. Бундай манипуляциялар билан шуғулланишга шунчаки йўл қўйиб бўлмайди», дея расмий позицияни бунга ваколатли бўлган расмий шахслар билдиришини қайд этди.

У шунингдек, ўзаро ҳурмат ва ишончга асосланган ҳамдўст давлатлар раҳбарлари ўртасидаги самимий, шахсий алоқалар муносабатларнинг изчил ривожланишининг гарови экани таъкидлаб ўтган.