Президент қарорига кўра, энди барча вазирлик ва идораларда энг кўп китоб ўқиган ходимга пул мукофоти берилади ва китобхонлик бўйича ички рейтинг тизими жорий этилади.

– 2026-йил 1-мартга қадар тегишли соҳа бўйича тавсия этиладиган касбий фаолиятга оид адабиётлар рўйхати шакллантирилади;

– ҳар йили камида 3 тадан касбий фаолиятга оид хорижий адабиётларни маҳаллий нашриётлар орқали ўзбек тилига таржима қилиб, малакали мутахассислар иштирокида уларни изоҳлар, луғат

ва мисоллар билан бойитиш амалиёти жорий этилади;

– 2026-йил 1-апрелга қадар ўзида ва тизимидаги ташкилотларда “Китоб бурчаги” ташкил этилади ва ходимлар учун ҳар ойда “Китоб ўқиш соати” йўлга қўйилади;

– китобхонлик бўйича ички рейтинг тизими жорий этилади;

– танлов асосида энг кўп китоб ўқиган ходимга 1 ойлик иш ҳақи миқдорида пул мукофоти берилади.

Шунингдек, энг кўп китоб ўқиган топ-100 таликка кирадиган ўқувчи ва талабаларнинг ҳар бирига БҲМнинг 25 баравари миқдорида пул мукофоти берилади.