Uzbekistan Airwaysнинг йўловчи самолёти Минск миллий аэропортидаги учиш-қўниш йўлагидан чиқиб кетди. Бу ҳақида «Minsk Airport» матбуот хизмати хабар берди.

Қайд этилишича, Тошкент—Минск йўналиши бўйича парвозни амалга оширган Airbus А-320 самолёти кучли қор ва бўрон оқибатида Минск миллий аэропортига муваффақиятли қўнишни амалга оширган, бироқ бошқарув вақтида учиш-қўниш йўлагидан чиқиб кетган.  Самолёт бортида 115 нафар йўловчи бўлган. Ҳодиса оқибатида самолётга ва йўловчиларга зарар етмаган.

Таъкидланишича, ҳодиса жойида фавқулодда хизматлар фаолият олиб бормоқда.